இப்போதைக்கு விடாத மழையில் அவ்வளவாக அழகில்லைதான்
குடையிருந்தும் குதிகால் நடையில் கடுப்புடன் கடையொதுங்குகிறான் புதுசெருப்புக்காரன்
மூக்கணாங்கயிறும், பாஸ்கர் சிலேட்டும் ஊர் கண்ணிலிருந்து ஓய்வுபெற்று உள்செல்கின்றன
வயிறு பிளந்த பின் கயிறு கட்டிக் கொண்ட ரேடியோவுக்கு தொண்டை கனக்கிறது
நரை மறைத்த நடுத்தர வயது வேஷ்டிக்கோ வயக்காட்டு வயித்தெரிச்சல்
எதிர் வீட்டு பொடிசுகளின் குதூகூல கத்திக்கப்பல்கள் குறைதூரத்தில் தலை சாய்கின்றன
உமி மூட்டை கதகதப்பில் நிலை மறந்த ‘செகப்பு சுடி - நீல சட்டை’ ஜோடி தவிர்த்து,
தற்காலிக கூரையடி காத்திருப்புகளில் அனைவருக்குமே அமைதியில்லை!
அஞ்சு மணி அவசர இருட்டுக்கு படபடத்து கண்விழிக்கிறது உபய உபத்திரவம் ஏதுமில்லா பச்சை டியூப் லைட்
சதா ‘எட்டுக்கு மூணு’ நடைபழகும் மளிகைக்கடை அரைடிரவுசருக்கு அரிதான ஸ்டூல் ஓய்வு
இடியொன்று தன் பலத்த அதிருப்தி காட்ட, ஆங்காரம் குறைந்து வெலவெலத்தது மழை
நனைந்து ஒதுங்கிய முக்குத் தெரு முதலியார் வீட்டு நாய் உடல் சிலிர்த்து வாலாட்டுகிறது
தலை சிறுத்து உடல் பருத்த தவளைகளிரண்டு தத்தித் தாவி தண்ணீர் கலக்கின்றன
‘…மெரண்டு போயி நிக்குங்களோ என்னவோ?’ - முனகியபடி கோணி போர்த்தி விரைகிறாள் பால் சொம்புக்கு சொந்தக்காரி
புண்ணாக்கு ருசித்த பெரிசொன்று ஸ்டார்ட்டர் போட்டு டி.வி.எஸ் 50 மிதிக்கிறது
‘உங்களுக்கு வேற ஏதாவது வேணுமா சார்?’ - கடைக்காரன் கேட்க கலைகிறது என் கவனம்
‘வேறென்ன? மீண்டும் ஒரு மழைதான்!’ - சொல்லாமல் வானம் பார்த்து கைகட்டி வெளியேறுகிறேன்
இப்போதைக்கு அடுத்த மழை வரப்போவதில்லை என்பதை நம்பாமல்!
2 comments:
yenakku oru siru santhegam.. naanum nerya articlsla pathiruken.. athu yenna eppo ithe maari oru situation explain pannum pothu mukku the muthaliyar veetu naai.. he.he. mukku therivula.. mudaliyar mattum than irupara. vera yaarum irukka mattangala.. just oru chinna opinion.. naan siruvan so tavaraga irunthal manniyungal.. ithu pondra azhagiya urai nadaigalil.. saathiya serka vendame.. yentha saathiyum..
Mr. Ganesh,
u r right in one way. Saadhi endra vishayathukku naan appaarppattavanae! Moreover, am an agnostic. Kavidhayilo, punaivilo saadhi/ madham ivatrai kurippiduvadhu thavirkka iyalaa ondru. its only a reference. e.g Virumaandi - Sandiyar issues. otherwise we wont get the 'iyalbhu'. Naan engum antha saadhiyai uyarthiyo, thaazhthiyo sollavillayae? "Vellai nirathiloru poonai..." endru paadiya Bharathi'yin vaasagan naan. Idhu poandra pala kaelvihal enn vaasippin aaramba nilayil irunthadhundu. you may not get satisfied with my reply; am not an expert to discuss such things. pirppaadu unarveerhal endrae nambuhiraen. vaazhthukal!
Post a Comment